Bugun.tv xəbər verir ki, 30-a yaxın qeyri-hökumət təşkilatları sədrlərinin iştirakı ilə ulu öndər Heydər Əliyevin 100 illiyi qeyd olunub. Tədbir “Leyla Khazar” Art Qaleriyada baş tutub.
Bu barədə yubiley mərasiminin təşkilatçılardan olan Zirvə İslahatlara Dəstək Mərkəzinin rəhbəri Elçin Axundzadə məlumat verib. “Ümumiyyətlə, bu tədbirləri dünyanın hər tərəfində şəxsi vəsaitimlə gerçəkləşdirirəm. Mayın 6-da da İstanbulda, ümummili liderin 100 illiyi ilə bağlı mərasim keçirdim. Tədbirlərimiz davam edir”.
Təşkil olunan 100 illik yubiley gününə qeyri-hökümət təşkilatlarının rəhbərləri və üzvləri, akademiklər, əməkdar artistlər, jurnalistlər də qatılıblar.
“Məqsədimiz Heydər Əliyev irsini və onun xidmətlərini cavan nəsilə ötürməkdir. Və bu irs nəsildən nəsilə keçməlidir. Əminəm ki, 100 ildən sonra da, Heydər Əliyev deyəndə Azərbaycan, Azərbaycan deyəndə isə, Heydər Əliyev anılacaq”, – birlik sədri Elçin Axundzadə əlavə edib.