Bugun.tv xəbər verir ki, qum fırtınası Meksikanın şimalında yerləşən Sonora ştatında təsirli olub. Meksikadakı 3 şəhərdə elektrik enerjisinin kəsilməsinə və maddi ziyana səbəb olub. Tufan nəticəsində bir çox binanın damları uçub, aşmış ağaclar yolları bağlayıb və nəqliyyatın hərəkətinə mane olub. Qum fırtınası səbəbindən səma sarıya çevrildiyi üçün görmə qabiliyyəti azalıb. Sonora əyalətinin qubernatoru Alfonzo Durazo təbii fəlakətdən sonra verdiyi açıqlamada fırtına səbəbiylə insan itkisinin olmadığını, yanğınsöndürənlərin və mülki müdafiə qruplarının bölgədə dəymiş ziyanı aradan qaldırmağa çalışdığını bildirib. Qubernator Durazo həmçinin ictimaiyyətdən zərurət olmadıqca evlərini tərk etməməyi, sakit olmağı və səlahiyyətlilərin göstərişlərinə əməl etməyi xahiş edib. Fırtına ilə birlikdə daşıdığı toz və qumun xüsusilə astma, bronxit və allergik rinit xəstələrinin sağlamlığına mənfi təsir göstərdiyi bildirilib.
Müxbir: Şəms Elnurqızı