Bugun.tv xəbər verir ki, Artan ifrat sağçı ideologiyaların Avropada əsas siyasətə inteqrasiyası nifrət cinayətlərini artırır. Siyasi liderlərin müəyyən qruplara qarşı hücumları nifrətin normallaşmasına və sosial dözümsüzlüyün yayılmasına səbəb olur. Bu vəziyyət ağla “Müqəddəslərə edilən hücumlar daha böyük kütləvi hadisələrə qapı açırmı?” sualını gətirir. Bu il Avropanın müxtəlif yerlərində Qurana qarşı törədilən alçaq hücumlar, tarixi kontekstdə araşdırılması lazım olan mühüm nifrət cinayətləri kimi önə çıxır.
“TRT Haber” in məlumatına görə, qərb ölkələrində görülən bu hücumlar təkcə kitablara deyil, həm də cəmiyyətin həssas damarlarına yönəlmiş simvolik zülmün əlaməti kimi qiymətləndirilir.İnsanların inanclarına və mədəni dəyərlərinə hücumlar yəhudi Holokostu kimi dəhşətli hadisələrin başlanğıcını xatırladır. 2023-cü il ərzində Avropanın müxtəlif şəhərlərində Quranın alçaldılması ilə bağlı narahatedici hadisələrin baş verməsi keçmişdə oxşar hərəkətlərdən sonra baş vermiş böyük hadisələri xatırladır. Mütəxəssislər müqəddəslərə qarşı bu cür hücumların artmasının ciddi nəticələrə səbəb ola biləcəyi barədə xəbərdarlıq edərək, ehtiyat tədbirlərinin görülməsinin vacibliyini vurğulayırlar.
Müxbir: İntizar Əmirova