Bugun.tv xəbər verir ki, Kolumbiyadan7 nəfərlə birlikdə yoxa çıxan və qalıqları tapılan kiçik təyyarədə olan 4 uşaq sağ tapılıb. Sağ qalanlar arasında 11 aylıq körpənin də olduğu öyrənilib.
Kolumbiya prezidenti Qustavo Petro, Twitter hesabından verdiyi açıqlamada, “Əsgərlərimizin gərgin axtarışları nəticəsində Quaviarada qəzaya uğrayan təyyarədəki 4 uşağın sağ olduğunu gördük. Bu, bizim üçün böyük sevincdir” deyib.
Qəzaya uğrayan təyyarədə “möcüzə” nəticəsində sağ qalan 11 aylıq körpənin olduğu, qardaşların meşədə aşkar edildiyi bildirilib.
13 yaşlı Lesli Bonbaire, 9 yaşlı Soleiny Ranoque, 4 yaşlı Tien Ronoque və 11 aylıq körpə Cristian Ranoque-un qəzadan necə sağ çıxması və 17 gün sağ qalması ilə bağlı təfərrüatlar paylaşılmayıb.
Blu Radio-nun xəbərində bacıların ən böyüyü Leslinin kiçik qardaşlarını yaşatmaq üçün meşədə müvəqqəti sığınacaq qurduğu paylaşılıb.
Xatırladaq ki, ötən həftə Quaviare inzibati bölgəsinin San Xose şəhərində qəzaya uğradığı güman edilən kiçik HK 2803 təyyarəsi itkin düşmüşdü. Qəzada sərnişinlərdən 4-nün həyatını itirdiyi bildirilib.
Mənbə: TRThaber