Qəzza zolağında humanitar yardım göstərən beynəlxalq qeyri-hökumət təşkilatları İsrail hökumətinin yeni tələblərinə qarşı açıq etiraz ediblər. İsrailin “Həkimlər Sərhədsiz” (MSF) təşkilatının fəaliyyətini məhdudlaşdırmasından sonra daha səkkiz beynəlxalq QHT əməkdaşları ilə bağlı detallı məlumat təqdim etməkdən imtina etdiklərini açıqlayıb.
Təşkilatlar bu tələblərin humanitar prinsiplərə zidd olduğunu və yardım işçilərinin təhlükəsizliyini risk altına atdığını bildiriblər. QHT nümayəndələri qeyd ediblər ki, əməkdaşların şəxsi məlumatlarının paylaşılması onların həyatına real təhlükə yarada bilər. Onların sözlərinə görə, bu addım humanitar fəaliyyət üçün “qırmızı xətt” hesab olunur.
İsrail tərəfi isə təhlükəsizlik səbəblərini əsas gətirərək bu tələblərin zəruri olduğunu iddia edir. Beynəlxalq ictimaiyyət isə bölgədə humanitar böhranın daha da dərinləşəcəyindən narahatdır.
Mənbə: Aljazeera.Com