Qəzzadakı Hökumət İnformasiya Ofisi son 100 gündə Rəfah Sərhəd Qapısının bağlı qalması səbəbindən minə yaxın xəstə və yaralı fələstinli uşağın şəhid olduğunu açıqlayaraq artan humanitar fəlakətə qarşı xəbərdarlıq edib.
Qəzza hökumətinin informasiya idarəsinin dərc etdiyi bəyanatda bildirilib ki, sionist işğal rejimi Rəfah Sərhəd Qapısını yandırıb, dağıtdıqdan və bağladıqdan sonra son 100 gün ərzində Fələstin və Misir arasındakı bu sərhəd qapısını bağlı saxlayıb.
Bəyanatda vurğulanıb ki, sionist rejimin bu davranışı Qəzza zolağında həyatın bütün sahələrində misli görünməmiş humanitar fəlakətin şiddətlənməsi ilə üst-üstə düşür, açıq-aşkar qanunsuz cinayət və beynəlxalq qanunların, beynəlxalq insan haqlarının və bütün beynəlxalq müqavilələrin pozulmasıdır.
Bəyanatda həmçinin qeyd olunub ki, sionist rejim son 100 gündə Qəzza zolağına tibbi ləvazimat, dərman, humanitar yardım və hətta tibb və səhiyyə heyətlərinin daxil olmasına mane olub və bu, səhiyyə sektorunu məhv etmək, xəstəxanaları bağlamaq cəhdidir. Aclıq böhranını siyasi təzyiq vasitəsi olaraq göstərdiyi ifadə edilib.
Mənbə: İLKHA