İran prezidenti İbrahim Rəisi Şanxay Əməkdaşlıq Təşkilatının (ŞƏT) baş katibi Janq Minq ilə görüşüb
Bugun.tv xəbər verir ki, bu barədə ISNA xəbər agentliyi bildirib.
“Mən ŞƏT ölkələri ilə əməkdaşlığa böyük əhəmiyyət verirəm. Bu ölkələrin zəngin təbii sərvətləri və geniş əraziləri var. Bu da təşkilata beynəlxalq münasibətlər sistemində mühüm rol oynamağa və birqütblüliyə effektiv müqavimət göstərməyə imkan verir”,- İbrahim Rəisi qeyd edib .
Janq Minq öz növbəsində zəngin tarixə malik İranın ŞƏT-in fəal üzvü ola biləcəyinə əminliyini ifadə edib.
Qeyd edək ki, 2022-ci il sentyabrın 15-16-da Səmərqənddə keçirilən ŞƏT sammiti zamanı İran ŞƏT-ə üzvlüyə dair memorandum imzalayıb. Müvafiq öhdəlikləri yerinə yetirdikdə təşkilata üzvlüklə bağlı rəsmi prosedur başa çatacaq.