Bugun.tv-yə daxil olan məlumata əsasən, Naxçıvan Muxtar Respublikasının Rəssamlar Birliyinin Bəhruz Kəngərli adına Sərgi Salonunda Birliyin heyət üzvlərinin iştirakı ilə əlamətdar tədbir keçirilib. Tədbir çərçivəsində Birliyin üzvü olan 14 rəssama Azərbaycan Rəssamlar İttifaqının, bir nəfərə isə Naxçıvan Rəssamlar Birliyinin üzvlük vəsiqələri təqdim olunub.
Vəsiqələrin təqdimatı zamanı Birliyin sədri, Azərbaycan Respublikasının Milli Məclisinin deputatı, Əməkdar rəssamı Ülviyyə Həmzəyeva çıxış edərək dövlətimizin sənət adamlarına göstərdiyi diqqət və qayğını xüsusi vurğulayıb. O, həmçinin Azərbaycan Rəssamlar İttifaqının sədri, Xalq rəssamı Fərhad Xəlilova göstərdiyi yüksək etimada görə təşəkkürünü ifadə edib.
Qeyd edək ki, bundan əvvəl, iyul ayında yeni üzvlərin iştirakı ilə Bakı şəhərində Azərbaycan Rəssamlar İttifaqının nəzdində fəaliyyət göstərən Vəcihə Səmədova adına Sərgi Salonunda ümumi-seçim sərgisi keçirilmişdi.
Azərbaycan Rəssamlar İttifaqına qəbul olunmuş bütün rəssamlarımızı təbrik edir, yaradıcılıq uğurlar arzu edirik!
