Bugun.tv xəbər verir ki, hadisə Yəməndə yaşanıb. Husilər Taiz vilayətinin Mavza rayonunun Qəzlə əl-Avaşikə bölgəsində mülki yaşayış məntəqəsinə raket zərbəsi endiriblər.
Bu barədə SABA xəbər agentliyi məlumat yayıb.
Hücumda 3 yeniyetmə həyatını itirib, 9 mülki şəxs xəsarət alıb.
Yaralılardan bəzilərinin vəziyyətinin ağır olduğu, reanimasiya şöbələrində müalicə aldıqları bildirilib.
Qeyd edək ki, Yəməndə İranın dəstəklədiyi husilər 2014-cü ilin sentyabrından paytaxt Səna və bəzi bölgələrə nəzarət edir.
Səudiyyə Ərəbistanının rəhbərlik etdiyi koalisiya qüvvələri 2015-ci ilin mart ayından hərəkata qarşı Yəmən hökumətinə dəstək verir.
Bildirilir ki, husilərdən insidentlə bağlı heç bir açıqlama verilməyib.
Mənbə: TRT haber