Avstraliyadan Taylanda tətilə gələn David Robert Herbst kirayə götürdüyü reaktiv xizəklə fərqində olmadan qətl törədib. 25 yaşlı gənc 58 yaşlı rusiyalı turist Kirill Qolovaçevi dənizdə vuraraq öldürüb. Taylandda dostu ilə istirahət edən avstraliyalı David Robert Herbst Karon çimərliyi yaxınlığında icarəyə götürdüyü reaktiv xizəklə 58 yaşlı rusiyalı turist Kirill Qolovaçevin ölümünə səbəb olub.
Herbst reaktiv xizəklə rus turistin üstündən keçərək yoluna davam edib. 25 yaşlı gəncin dayanmaq əvəzinə yoluna davam etdiyi anlar kameralara düşüb. Herbst də hadisə yerindən qaçaraq dostu ilə yaxınlıqdakı adaya gedib. Rusiyalı turistin cansız cəsədi bir neçə saatdan sonra balıqçılar tərəfindən qayalarda ilişib qalmış vəziyyətdə tapılıb.
İlkin tapıntılar onun boğulduğunu göstərsə də, polis ölüm səbəbinin reaktiv xizək qəzası olduğunu təsdiqləyib.
Rusiyalı turistin ölüm səbəbi müəyyən edildikdən sonra Herbst tutularaq oteldə saxlanılıb. Herbst ölümlə nəticələnən ehtiyatsızlıqda ittiham olunur.
Mənbə: TgrtHaber