Bugun.tv xəbər verir ki, “Barselona”nın və Braziliya millisinin sabiq futbolçusu Rivaldo Lionel Messinin “Paris Saint-Germain”dəki durumundan danışıb.
“Lionel Messi “Paris Saint-Germain”in icazəsi olmadan Səudiyyə Ərəbistanına getdi. Buna görə də klubdan iki həftəlik qadağa aldı. Hər şey onun müqaviləsi ilə bağlı məsələlərin həlli üçün Səudiyyə Ərəbistanına getdiyinə işarə edir. Lakin Messinin hazırkı klubuna qarşı hörmətsizliyini görəndə bir az üzüldüm. Təbii ki, o, başqa variant tapa bilərdi – klubla danışmaq. Həmçinin, Səudiyyə Ərəbistanı rəsmilərinin Parisə gəlişini və ya mövsümün sonuna qədər gözləmək də olardı”,- Rivaldo bildirib.
Qeyd edək ki, sabiq futbolçu daha əvvəl demişdi ki, Messi Səudiyyə Ərəbistanına səfər etdiyi üçün iki həftəlik cəzadan sonra artıq “PSJ”də oynamaq istəmir.
Mənbə: Чемпионат