Roma Papası Fransisk katolik və pravoslav xristianların Pasxa bayramı münasibəti ilə Ukrayna və Rusiyanı iki həftəlik atəşkəsə çağırıb.
Bugun.tv xəbər verir ki, bu barədə TASS -a Dünya Köhnə Möminlər Birliyinin rəhbəri Leonid Sevastyanov bildirib.
“Gələn həftə katolik, ondan sonra pravoslav Pasxa həftəsi olacaq. Papa bunun şərəfinə Ukraynadakı bütün döyüş əməliyyatlarının iki həftə müddətinə dayandırılmasını təklif etdi. Bu bazar günündən başlayaraq iki həftə ərzində heç bir hücum olmayacaq. Hamı bir-birinə atəş açmağı dayandıracaq və atəşkəs elan ediləcək”, – Sevastyanov qeyd edib.
Qeyd edək ki, katolik kilsəsi bu il Pasxa bayramını aprelin 9-da, Pravoslav xristianlar isə, bir həftə sonra, aprelin 16-da qeyd edəcəklər.