Rumıniyada keçirilən prezident seçkilərində qalib gələn Nicusor Dan and içib.
Ötən il Rusiyanın müdaxiləsi ilə bağlı iddialara görə ilk turu ləğv edilən Rumıniya prezident seçkilərində qalib gələn Avropa İttifaqı (Aİ) və NATO-ya meylli siyasətçi Nicusor Dan parlamentdə and içərək rəsmi olaraq vəzifəsinin icrasına başlayıb.
Paytaxt Buxarestin keçmiş meri Dan parlamentdəki andiçmə mərasimindən sonra etdiyi çıxışda Rumıniyanın iqtisadi problemlərini həll edəcəyini və cəmiyyətin səsinə açıq prezident olacağını vəd edərək dedi: “Rumıniya dövlətinin əsaslı dəyişikliyə ehtiyacı var. Sizi indiyə qədər göstərdiyiniz sosial güclə prosesə qoşulmağa və Rumıniyanın dövlət qurumlarına konstruktiv təzyiq göstərməyə dəvət edirəm”.
Dan “Cəmiyyətin səsini dinləyən və bu cəmiyyətin iş ortağı olan bir prezident olacağıma zəmanət verirəm” açıqlamasını verib
Dan seçki kampaniyası zamanı Rumıniyanın Qərblə əlaqələrini vurğulayıb və Ukraynanı dəstəkləməyə davam edəcəyinə söz verib.
Yeni prezident Nikuzor Dan yeni hökuməti formalaşdırmaq üçün mümkün qədər tez baş nazir təyin etməlidir.
Rumıniyada prezidentlər 5 il xidmət edirlər.
Mənbə: İlkha