Rusiyanın Ukraynaya hücumlarından sonra Avropa İttifaqı Rusiya prezidenti Vladimir Putinə yaxın rus oliqarxı, rusiyalı milyarder Roman Abramoviç də sanksiya siyahısına daxil edib. Məlum olub ki, Abramoviç sanksiya qərarı çıxaran və onu qara siyahıya əlavə edən Avropa Şurasını Aİ Məhkəməsinə verib.
Bugün.tv xarici mediaya istinadən məlumat verir ki, Abramoviçin adı Putinə kömək etdiyi və Ukraynanın işğalında rol oynadığı səbəbiylə sanksiya siyahılarına daxil edilib.
Mövzu ilə bağlı fikirləri soruşulan Aİ Şurası və müvafiq Aİ Məhkəməsi rəsmiləri hələlik hər hansı açıqlama verməyib.