Bugun.tv xəbər verir ki, Rus ordusu Zaporojyeyə hücum edib. Hücum zamanı 2 nəfər həyatını itirib, 7 nəfər yaralanıb. Rusiyanın hücumundan sonra Ukrayna Moskva və Sevastopola PUA göndərib. Rusiya hücum cəhdinin qarşısı alındığını açıqlayıb.
Rusiya Ukraynadakı mülki insanları hədəf almaqdan çəkinmədən hücumlarını davam etdirir. Ukraynanın daxili işlər naziri İqor Klimenko bildirib ki, hücumdan sonra yanğın başlayıb və yanğınsöndürənlər işlərini davam etdiriblər.
Ukrayna prezidenti Vladimir Zelenski hücumla bağlı açıqlamasında Rusiyanın “müharibə cinayəti” törətdiyini vurğulayaraq, “Rus terrorçularına cavab əsgərlərimiz sayəsində veriləcək”,- deyə qeyd edib.