Bugun.tv xəbər verir ki, Fransanın “Monde Afrique” saytı yazır: “Mayın 17-də Vladimir Putin və İbrahim Rəisi Azərbaycanın sərhədindəki Astara və cənubda Rəşt şəhərlərini birləşdirməli olan 164 kilometrlik dəmir yolu xəttinin tikintisinə dair müqavilə imzalayıblar. Bu plan Moskva və Tehranın bir gün Süveyş kanalından yan keçə bilmək üçün birgə istəyidir.
Rəşt şəhərindən Rusiya məhsulları dəmir yolu ilə cənub limanlarına daşınır, oradan Hindistana, Ərəbistan yarımadasına və ya Afrikanın şərqinə göndərilir. Beləliklə, Rusiya öz mallarını Avropanın şimalı ilə həmsərhəd olan Baltik dənizindən, Qara dənizdən Süveyş kanalı vasitəsilə tranzit etməkdən yayına bilər.
2023-cü ilin aprel ayının sonlarında Hindistan, İran və Ermənistan nümayəndələri Yerevanda görüşərək Hindistan, İran və Rusiya arasında nəqliyyat xərclərini azaltmaq və ticarəti artırmaq üçün gələcəyin Şimal-Cənub Beynəlxalq Nəqliyyat Dəhlizinin planlarını müzakirə ediblər…”.
Mənbə: Azad İran