Rusiya Prezidenti Vladimir Putin bildirib ki, Ukrayna ilə davam edən müharibə Moskva müharibə başlamazdan əvvəl qarşıya qoyduğu məqsədlərə çatdıqda başa çatacaq.
Rusiya Prezidenti Vladimir Putin Hindistana rəsmi səfərindən əvvəl “India Today” qəzetinə müsahibə verib.
Putin Rusiya-Hindistan münasibətlərinin müxtəlif sahələrdə inkişaf etdiyini qeyd edərək, iki ölkənin gələcək əməkdaşlıq üçün bir çox sahələrinin olduğunu bildirib.
“Biz müəyyən məqamları müzakirə edə biləcəyimizi dedik, amma onları qəbul edə bilmədik”.
Putin, ABŞ Prezidenti Donald Trampın xüsusi nümayəndəsi Stiv Vitkov və kürəkəni Cared Kuşner ilə 2 dekabrda keçirdiyi görüşün “çox faydalı” olduğunu qeyd edərək, görüşün uzun müddət davam etdiyini və ABŞ sülh planındakı hər bir bəndin müzakirə olunduğunu qeyd etdi.
“Rusiyanın qəbul etmədiyi hər hansı bir bənd varmı?” sualına Rusiya lideri belə cavab verdi:
“Belə məsələlər var. Biz bunlarla bağlı məsləhətləşmələr apardıq, amma bu, çətin bir işdir. Bəzi məsələlərlə bağlı məsləhətləşə biləcəyimizi dedik, amma onları qəbul edə bilmədik. Məsləhətləşmələr bu şəkildə aparıldı. Düşünürəm ki, nəyin uyğunsuz olduğunu, nəyin üzərində razılığa gələ biləcəyimizi demək üçün hələ tezdir, çünki bu, iş prosesini poza bilər”.
Putin ABŞ Prezidenti Trampın Ukraynada sülhə nail olmaq üçün səmimi qəlbdən çalışdığını bildirərək, ABŞ-ın bu siyasətdə siyasi və iqtisadi maraqlarının olduğunu qeyd etdi.
Trampın Ukraynada barışıq axtardığına, lakin bunun asan olmadığına diqqət çəkən Putin Rusiyanın G8-ə qayıtmaq niyyətində olmadığını və “G7-nin qlobal iqtisadiyyatdakı yeri azaldığını” bildirdi.
Rusiya lideri “xüsusi hərbi əməliyyatlarının” müharibənin başlanğıcı olmadığını, əksinə, ona son qoymaq cəhdi olduğunu iddia edərək, müharibədən əvvəl qoyduqları məqsədlərə çatdıqda onların bitəcəyini bildirdi.
Mənbə: Ensonhaber