Bugun.tv xəbər verir ki, Ukraynanın daxili işlər naziri İqor Klimenko bildirib ki, Rusiya raketinin Lvov şəhərində mənzili vurması nəticəsində 4 nəfər ölüb, 9 nəfər yaralanıb.
Klimenko hadisə yerində axtarış-xilasetmə işlərinin davam etdiyinə diqqət çəkib. “Səhər saat 07:00-a olan məlumata görə, 4 nəfər ölüb, 9 nəfər yaralanıb, 7 nəfər xilas edilib, 64 nəfər təxliyə olunub”.
Nazir Klimenko bildirib ki, dağıntılar altında insanlar var.
Ukrayna Baş Qərargahından verilən açıqlamada, Rusiyanın son 24 saat ərzində 5 pilotsuz uçuş aparatı (PUA) ilə Ukrayna ərazisinə hücum etdiyi və bütün hədəflərin müdafiə sistemləri ilə məhv edildiyi bildirilib.
Açıqlamada Rusiya ordusunun son sutka ərzində Ukrayna əsgərlərinin mövqelərinə və yaşayış məntəqələrinə 59 hava zərbəsi endirdiyi, çoxlüləli raket sistemlərindən 65 atəş açıldığı qeyd edilib.
Mənbə: TRT Haber