Bugun.tv xəbər verir ki, Rusiya dövləti ilə “Vaqner” təhlükəsizlik şirkəti arasında yaşanan böhran səbəbilə Ukrayna sərhədinə yaxın Rusiya bölgələrində təhlükəsizlik tədbirləri görülüb.
Moskva meri Sergey Sobyanin özünün “Telegram” kanalında terrorla mübarizə çərçivəsində paytaxtda təhlükəsizlik tədbirlərinin gücləndirildiyini açıqlayıb.
Rostov vilayətinin qubernatoru Vasiliy Qolubev də mövcud vəziyyətlə əlaqədar təhlükəsizliyin qorunması üçün lazımi tədbirlərin görüldüyünü bildirib. “Vətəndaşları şəhər mərkəzinə getməməyə və evdə qalmağa çağırıram”, – deyib.
Lipetsk vilayətinin qubernatoru İqor Artamanov bölgədə tədbirlərin daha da artırıldığını vurğulayıb. “Əhəmiyyətli infrastruktur obyektlərinə xüsusi diqqət yetiriləcək. Həmçinin sakinlərə cənuba, xüsusilə Voronej vilayətinə getməməyi tövsiyə edirəm”, – o əlavə edib.
Voronej administrasiyasından verilən açıqlamada, hərbi maşın karvanlarının M4 federal magistral yolu ilə hərəkət etdiyi, buna görə də mülki şəxslərdən bu yolla gediş-gəlişi məhdudlaşdırması istənilib.
Vaqnerin yaradıcısı Yevgeni Priqojin Moskva şossesində vertolyotun Vaqner tərəfindən vurulduğunu iddia edib.
“Bir daha hamını xəbərdar edirəm. Hədəfimiz var. Hamımız ölməyə hazırıq. Çünki vətən və rus xalqı üçün ölürük. Rus xalqını dinc əhaliyə atəş açanlardan xilas etmək lazımdır. Rostovda mülki şəxsləri, sadəcə olaraq, helikopterlərdən atəşə tutublar. Pilotlardan biri atəş əmrinə tabe olmayıb”.
Priqojin rus ordusunu Vaqnerə hücum etməkdə günahlanıb və qisas alacağı ilə hədələyib
Bu vəziyyətlə əlaqədar Federal Təhlükəsizlik Xidməti (FSB) silahlı iğtişaş maddəsi ilə cinayət işi açıb.
Rusiya Müdafiə Nazirliyindən verilən açıqlamada Vaqnerin düşərgələrinə hücum etdiyinə dair iddialar təkzib edilib.
Mənbə: TRT Haber