Rusiyanın xarici işlər naziri Sergey Lavrov bəyan edib ki, Moskvanın Ukrayna böhranının həlli ilə bağlı mövqeyi prezident Vladimir Putin və amerikalı həmkarı Donald Tramp arasında keçirilən Alyaska sammitindən sonra dəyişməyib.
Rusiya prezidenti Vladimir Putinlə ABŞ prezidenti Donald Tramp arasında avqust ayında keçirilən sammitdən sonra Ukraynada sülhün əldə olunması üçün lazım olan şərtlərin dəyişmədiyini bildirən Lavrov, növbəti görüş üçün konkret tarix təyin olunmadığını əlavə edib.
Jurnalistlərə açıqlama verən Rusiyanın xarici işlər naziri Sergey Lavrov CNN-in Rubio və Lavrov arasında planlaşdırılan görüşün təxirə salınması ilə bağlı “vicdansız” xəbərinə təəccübləndiyini bildirib. O, “Bəzi ABŞ rəsmiləri Rusiyanın sərt mövqe tutduğuna inanır” deyib.
Lavrov, “Rusiyanın Alyaska sammitində əldə edilən razılaşmalarla müqayisədə mövqeyini dəyişmədiyini rəsmən təsdiqləmək istəyirəm” deyə, bu barədə Rubionu özəl olaraq məlumatlandırdığını bildirib.
Rusiyalı diplomat qeyd edib ki, Putin və Tramp arasında sammitin yeri və vaxtı Alyaskanın Ankoric şəhərində əldə olunan razılaşmaların mahiyyətindən daha az əhəmiyyət kəsb edir.
Oktyabrın 16-da Putinlə görüşdən sonra ABŞ prezidenti Donald Tramp ABŞ dövlət katibi Marko Rubio və həmkarı Lavrovun iki həftə ərzində Budapeştdə keçirilə biləcək sammitə hazırlıq üçün bu həftə görüşəcəklərini açıqlayıb.
Kremlin sözçüsü Dmitri Peskov iki liderin razılığa gəldiyini, lakin qalan addımlar tamamlanana qədər tarixin təyin olunmayacağını bildirib. Peskov, “Prezident Tramp və prezident Putin növbəti sammitin tarixini hələ təyin etməyiblər” deyib.
Ağ Ev daha əvvəl “Tramp və Putin arasında yaxın gələcəkdə heç bir zirvə görüşü planlaşdırılmır” deyə bildirib.
Mənbə: İlkha