Bugun.tv xəbər verir ki, Rusiya Ukraynanın Sevastopol şəhərində gəmiqayırma zavoduna raket hücumu nəticəsində iki gəminin zədələndiyini açıqlayıb.
Rusiya Müdafiə Nazirliyindən verilən açıqlamada Ukraynanın gecə saatlarında Krımın Sevastopol şəhərindəki Orconikidze gəmiqayırma zavoduna 10 qanadlı raket və 3 qayıqla Qara dəniz donanmasının gəmilərinə qarşı hücuma cəhd etdiyi bildirilib.
Açıqlamada hava hücumundan müdafiə sistemləri 7 raketinin vurulduğu, “Vasili Bıkov” patrul gəmisi vasitəsi ilə katerlərin məhv edildiyi qeyd olunub.
Raket hücumu nəticəsində tərsanədə təmirdə olan iki gəminin zədələndiyi bildirilib.