Rusiya prezidenti Vladimir Putin və özbəkistanlı həmkarı Şavkat Mirziyoyev telefonla danışıblar. Onlar iki ölkə arasında ticarət-iqtisadi əməkdaşlığın genişləndirilməsi istiqamətində gələcək addımları müzakirə ediblər.
Bugun.tv xəbər verir ki, bu barədə Kremlin mətbuat xidmətindən bildirilib.
Putin və Mirziyoyev Rusiya tərəfinin fəal iştirakı ilə aprelin 24-26-da keçirilmiş Mərkəzi Asiya beynəlxalq sənaye sərgisində “Innoprom”un uğurunu qeyd ediblər.
Nümayişin ümumi sahəsi 14.000 kvadratmetrdən çox idi. Orada metallurgiya, maşınqayırma və kimya sənayesi şirkətləri ilə yanaşı, enerji, informasiya texnologiyaları və telekommunikasiya sektorları üçün həllər hazırlayan şirkətlər təqdim olunub.
Mənbə:TASS