Rusiya bir tərəfdən Ukrayna ilə müharibədə, digər tərəfdən meşə yanğınları ilə mübarizədə…
Bugun.tv xəbər verir ki, ötən həftələrdə ölkənin müxtəlif bölgələrində meşə yanğınları başlayıb.
Sverdlovsk vilayətində 20 müxtəlif nöqtədə baş verən yanğında 23 min kvadratmetrdən çox meşə sahəsi külə çevrilib, alov yaşayış məntəqələrinə böyük ziyan vurub.
Yanğınlar bu gün Rusiya Fövqəladə Hallar Nazirliyinə tabe olan qrupların müdaxiləsi ilə nəzarətə götürülüb.
Alovun böyük ölçüdə nəzarət altına alındığı bildirilib. Tümen vilayətində aprelin 27-də başlayan meşə yanğınlarına hava və quru müdaxilə edilərkən indiyədək 3 min kvadratmetrdən çox ərazi yanıb.
Baykal bölgəsində bu gün başlayan yanğınlara cavab tədbirləri davam edərkən, Rusiya Fövqəladə Hallar Nazirliyi bölgədə xüsusi tədbirlərin görüldüyünü açıqlayıb.
Kurqan qubernatorunun müavini Konstantin Yermakov verdiyi açıqlamada, “Yanğınlarda 21 nəfər həyatını itirdi, 13 nəfər müxtəlif dərəcəli bədən xəsarətləri aldı. İtkin düşənlərin ailələrinə 1 milyon rubl (250 min TL) maddi dəstək veriləcək” deyə açıqlama verib.
Rusiya Fövqəladə Hallar Nazirliyinin Ural Regional Müdirliyindən verilən açıqlamada yanğını törətməkdə şübhəli bilinən 46 nəfərə qarşı istintaq başladıldığı açıqlanıb.
Yanğınların yandırma nəticəsində başlaya biləcəyi ifadə edilən açıqlamada, “46 şübhəlinin şəxsiyyəti müəyyən edilib. Yanğın törədənlərə qarşı 7 ayrı cinayət işi açılıb”- məlumatda vurğulanıb.