Ukrayna prezidenti Vladimir Zelenski baş nazir Denis Şmıqala Rusiyanın adının Ukrayna dilində Muskoviyə dəyişdirilməsi imkanını “diqqətlə öyrənməyi” tapşırıb.
Bugun.tv xəbər verir ki, təlimat Zelenskinin saytında 25 min imza toplayan petisiyaya cavab olaraq gəlib. Buna görə də baxılması üçün Ukrayna prezidentinə təqdim edilib.
Zelenski Şmıqaldan bu addımın tarixi və mədəni kontekstdə mümkün olub-olmadığını, bunun beynəlxalq hüquq baxımından hansı nəticələrə səbəb ola biləcəyini öyrənməyi xahiş edib.
Müraciətdə həmçinin “Rusiya Federasiyası” ifadəsinin “Moskva Federasiyası” və “Rus” demoniminin “Moskvalı” ilə əvəz edilməsi təklif edilir.
2021-ci ilin dekabrında Ukraynanın Lvov və Rovno vilayətlərinin regional hakimiyyətləri tərəfindən irəli sürülən oxşar təşəbbüslərdən sonra Rusiyanın adının Muskoviyə dəyişdirilməsi təklifi 2022-ci ilin yanvarında Kiyev Şəhər Şurası tərəfindən səsləndirilib.
Mənbə:TASS