Rusiya xarici işlər nazirinin müavini Andrey Rudenko Hindistanın Rusiya neftini almağa davam etdiyini açıqlayıb. “Deyə bilərəm ki, Hindistan Rusiya neftini almağa davam edir”, – deyə Rudenko Moskvada jurnalistlərin sualına cavab olaraq bildirib.
ABŞ prezidenti Donald Tramp Hindistanın Rusiyadan neft idxalını “əhəmiyyətli dərəcədə azaltdığını” iddia edib. Lakin Rudenkonun son açıqlamaları Vaşinqtonun iddiasını təkzib edir.
Rusiyanın Hindistana neft daşınmalarında endirim təklif edib-etmədiyi soruşulduqda, Rudenko bu məsələ ilə bağlı heç bir məlumata malik olmadığını bildirib.
ABŞ administrasiyası bu ticarəti əsas gətirərək Rusiyadan ən böyük neft idxalçılarından biri olan Hindistana 50% tarif tətbiq etdi. Bu qərar iki ölkə arasında enerji münasibətlərində yeni bir gərginlik nöqtəsi yaradıb.
Mənbə: Tgrthaber