Rusiyanın Qərbi Sibir vilayətinin Kemerovo şəhərində qeyri-qanuni qocalar evində baş verən yanğında ölənlərin sayı 20 nəfərə çatıb.
“Yanğın yerində xilasedicilər havanın aşağı temperaturu şəraitində dağıntılar üzərində işləri davam etdirirlər. Son məlumatlara görə, 20 nəfər ölüb”, – idarədən bildiriblər.
Daha əvvəl yanğın nəticəsində azı 13 nəfərin öldüyü bildirilmişdi. Yanğınla bağlı ehtiyatsızlıqdan ölümə səbəb olma maddəsi ilə cinayət işi başlanıb.
Kuzbass qubernatoru Sergey Tsivilev yanğından sonra bu tipli bütün qurumların, ilk növbədə özəl qurumların yoxlanılacağını bildirib. “Biz bu tipli bütün qurumları, ilk növbədə özəl qurumları yoxlayacağıq. Yoxlamalar bir həftə ərzində yekunlaşacaq”, – o, Telegram kanalında yazıb.
Qeyd olunub ki, Kemerovoda şəxsi qocalar evi ikimərtəbəli taxta bina idi. Yanğına artan çətinlik dərəcəsi verilib.
Mənbə:TASS