Rusiyanın Varşavadakı səfirliyinin nəzdindəki məktəbinin ərazisində olan bütün müəllim və işçi heyəti Polşa hakimiyyətinin zəbt etdiyi binanı tərk edib.
Bugun.tv xəbər verir ki, bu barədə nazir müşaviri Andrey Ordaş TASS-a bildirib.
“Məktəbin ərazisində yaşayan müəllimlər və digər işçilər şəxsi əşyalarını götürərək binanı boşaldıb. Onlar Varşavadakı Rusiya diplomatik missiyasının başqa obyektinə köçüblər”, – Ordaş söyləyib.
O, bildirib ki, səfirlik bütün məktəb şagirdləri üçün tədris prosesinin davam etdirilməsinə şərait yaradacaq.
“Məktəb əşyalarını çıxarmaq üçün bizə daha yeddi gün vaxt verildi”, – Ordaş deyib.