Rusiya hökumətinin sentyabrda YouTube-u bloklamağı planlaşdırdığı bildirilir. Dövlətyönlü Gazeta.ru bu iddianı Prezident Administrasiyasına yaxın mənbəyə və hüquq-mühafizə orqanları üçün məlumat toplayan şirkətdəki mənbəyə istinadən açıqlayıb.
RUSİYA YOUTUBE-u BAĞLAYACAQ?
Xəbər Rusiyanın aparıcı telekommunikasiya provayderi Rostelecom-un Google-un avadanlıqlarında texniki problemlər olduğunu və bunun YouTube videolarının endirilmə sürətinə və keyfiyyətinə təsir göstərə biləcəyini elan etdiyi bir vaxtda yayılıb.
“Gazeta.ru”nun Prezident Administrasiyasına yaxın mənbəsi bildirib ki, “İyul və avqust aylarında vəziyyət daha da pisləşəcək, yəni bəzi regionlarda “YouTube”un funksionallığı tamamilə itiriləcək”. Bu mənbənin məlumatına görə, YouTube sentyabrda bloklanacaq.
KREMLİN sözçüsü YouTube-un məhdudlaşdırıldığını inkar edir
Gazeta.ru yazıb ki, onun ikinci mənbəsi də payızda YouTube-u bloklamaq planlarını təsdiqləyib. Kreml Rusiyanın “YouTube”a girişi məhdudlaşdırmağa başladığını təkzib edərək “problem iki ildən artıqdır ki, yenilənməyən avadanlıqla bağlıdır” deyib.
Kremlin sözçüsü Dmitri Peskov jurnalistlərə deyib: “Bizim bazarla bağlı bu mövqeyi tutan YouTube-dur, biz buna təşəbbüs etməmişik. Bu bazarı tərk etməyin öz texnoloji nəticələri var”. YouTube Ukraynadakı müharibə ilə əlaqədar Rusiyada monetizasiyanı dayandırıb və ödəniş əsaslı bütün xidmətlərini dayandırıb.
Mənbə: The Moscow Times