Bugun.tv xəbər verir ki, xüsusi təyinatlı komandir Kamil Şirinovun mövludu keçirilib. Mərasim şəhidin doğuldugu Salyan rayon Cuxanlı kəndində təşkil olunub.
Tədbirə şəhid ailələri, qazilər, ictimaiyyət nümayəndələri də qatılıblar.
Öncə şəhidin məzarı ziyarət olunub, ruhuna dualar oxunub.
Sonra məktəblilər şeirlər səsləndiriblər.
Qeyd edək ki, K.Şirinov 8 il Azərbaycan Silahlı Qüvvələrində xidmət göstərib. Heydər Əliyev adına Ali Hərbi Akademiyanı bitirib. 6 aylıq XTQ kursunu uğurla başa vurub. Bir neçə ölkədə təlimlər keçib. Dil bilikləri yüksək səviyyədə olub.
Ən böyuk arzusu isə Qarabağı işğaldan azad görmək idi. O bu arzusuna İkinci Vətən Müharibəsində çatır.
Füzuli istiqamətində gedən döyüşlərdə iştirak edir. Sentyabrın 29-da, 29 yaşında qəhrəmancasına şəhid olub, doğulduğu kənddə torpağa tapşırılır.
Qeyd edək ki, Kamil Şirinov aprel döyüşlərinin də fəal iştirakçısı olub. Bu döyüşlərdə göstərdiyi igidliyə görə Prezident İlham Əliyev onu “Döyüşdə fərqlənməyə görə” medalı ilə təltif edib.
Xidməti dövründə dəfələrlə orden və medallarla, ölümündən sonra isə “Qarabağ” ordeni ilə təltif olunub.
Müəllif: Səbinə Mirzəqızı