Şəki Şəhər Rayon Polis Şöbəsinin əməkdaşları “Xaş-xaş-2023” şərti adlı kompleks əməliyyat-axtarış və profilaktik tədbirlər keçiriblər. Axtarış nəticəsində yabanı halda bitmiş narkotik tərkibli bitkilər aşkarlanıb.
Daxili İşlər Nazirliyinin Mətbuat Xidmətinin Şəki regional qrupundan Bugun.tv – yə verilən məlumata görə, keçirilən tədbir zamanı rayonun Çapağan kəndi ərazisində yabanı halda bitən çətənə kolları aşkar edilib. Ümumi çəkisi 12 ton olan 16 000 ədəd çətənə kolu kökündən çıxarılıb və yandırılaraq məhv edilib.
