BBC-nin xəbərinə görə, “parad” adlanan tədbirdə Merkuri, Yupiter, Venera, Uran və Mars planetləri Günəş batarkən səmada qövslər şəklində Ayın yanına düzülüb.
Aydın hava sayəsində bəzi planetlər bir neçə gün adi gözlə görünəcək.
Dünən gecə planetlər parlaq şəhər işıqlarından uzaq, aydın və maneəsiz mənzərələri olan yerlərdən görünüb. Diqqətə çatdırılıb ki, düzülüş Şotlandiyanın şimal hissələrində və onun adalarında yaxşı müşahidə olunub.
Axşamın ilk saatlarında səmaya baxmayanlar Merkuri və Yupiterin sürətlə üfüqdə gözdən itdiyi üçün onları izləmək şansını əldən veriblər.
İngiltərədəki Kral Qrinviç Rəsədxanasının astronomu Jake Fosterin sözlərinə görə, düzülmələr bizim Yerdən baxışımızla bağlıdır.
Merkuri, Venera, Mars, Yupiter və Saturn keçən yay qeyri-adi bir planetar birləşmədə bir araya gəliblər.
