Bugun.tv xəbər verir ki, Fransanın müdafiə naziri Sebastian Lecornu Ukraynaya göndərəcəkləri 155 millimetrlik haubitsa mərmilərinin sayının iki dəfə artırılacağını deyib.
Lecornu, Fransanın “Le Figaro” qəzetinə verdiyi müsahibəsində ölkəsinin Ukraynaya hərbi maddi dəstəyi ilə bağlı açıqlamalar verib. O, Fransanın Ukraynaya əks-hücum üçün lazımi sahə ləvazimatlarını göndərəcəyinə də diqqət çəkib. Müdafiə naziri ölkəsinin bu ayın sonundan etibarən Ukraynaya göndərəcəyi 155 millimetrlik haubitsa mərmilərinin sayını ikiqat artıraraq ayda 2 minə çatdıracaqlarını bildirib.
“Paris administrasiyası söz verdiyi kimi, çox tezliklə SAMP-T hava hücumundan müdafiə sistemini də göndərəcəyik. Ukraynaya dəstək fondunun yenilənməsi üçün Fransanın baş naziri Elisabeth Borne ilə birgə çalışırıq və bu fonda artıq 200 milyon avro ayırmışıq”,- Lecornu əlavə edib.