Bugun.tv xəbər verir ki, Tbilisidəki “Vivamed” klinikası Gürcüstanın eks-prezidenti Mixail Saakaşvilinin müalicə müddətinin uzadılması üçün Ədliyyə Nazirliyi ilə əlaqə saxlayıb.
“Bizim Saakaşvilini müalicə etmək istəmədiyimiz iddia edilir. Klinikamız bu barədə böyük reputasiya zərbəsi alır. Bu qəti şəkildə qəbuledilməzdir. Tibbi etikaya görə, heç kim zorla müalicəyə cəlb oluna bilməz. Buna görə də Saakaşvilinin “Vivamed “klinikasında qalması üçün pentensiar müəssisənin tibb xidməti ilə əlaqə saxlamalıyıq”.
Klinikanın administrasiyasının məlumatına görə, ötən il mayın 12-də “Vivamed”ə köçürülən Saakaşvili tam spektrli müayinələrdən keçib. Müalicə planı müəyyən olunub. Lakin keçən ilin oktyabr ayından başlayaraq o, təklif olunan müalicəni rədd edir. Xüsusilə də hansısa dərman və ya prosedur onun göstəricilərinə müsbət təsir göstərirsə, onu istəmir. Son bir ayda Saakaşvilinin tibb işçilərinə etimad göstərmədiyi bildirilib.
Məbə:TASS