NASA, Yerdən 27 min 306 dəfə böyük, Samanyolundan uzaqlaşan və saatda 1,6 milyon kilometr sürətlə hərəkət edən bir cismin təsbit etdiklərini açıqlayıb.
ABŞ Aeronavtika və Kosmos Agentliyi (NASA) kainatın dərinliklərində apardığı müşahidələr nəticəsində təəccüblü kəşf edib.
Alimlər Samanyolu Qalaktikasından saatda 1,6 milyon kilometr sürətlə uzaqlaşan nəhəng obyekt aşkar ediblər.
Bu sürət göstərir ki, obyekt qalaktikanın cazibə qüvvəsinə qalib gələrək kosmosun dərinliklərinə doğru gedir.
Bu mühüm kəşf NASA-nın “Backyard Worlds: Planet 9” adlı layihəsi çərçivəsində edilib.
Layihə Günəş sisteminin xarici bölgələrində potensial planetlərin və digər göy cisimlərinin aşkarlanması üçün tədqiqatlar aparır.
“CWISE J1249” adlı obyekt saatda təxminən 1,6 milyon kilometr sürətlə Samanyolundan uzaqlaşır.
Mütəxəssislər yeni kəşf edilən göy cismin nə olduğunu müəyyən edə bilməsələr də, CWISE J1249-un olduqca köhnə olduğu və yəqin ki, qalaktikamızda ilk ulduz nəsillərindən birinə aid olduğu düşünülür.
Kəşf edilən obyektin Yerdən təxminən 27 min 306 dəfə böyük olduğu təxmin edilir.
Bu, obyektin bir planet, qəhvəyi cırtdan və ya daha böyük bir göy cismi ola biləcəyi ehtimalını artırır.
Məlum ulduzların əksəriyyətinin Süd Yolunun mərkəzində sakit şəkildə dövr etdiyini bildirən elm adamları cismin niyə bu qədər sürətlə hərəkət etdiyini anlamaq üçün CWISE J1249-un element tərkibinə daha yaxından nəzər salacaqlar.
Mənbə: EnSonHaber