18 C
Baku
Oktyabr 7, 2022
DigərSosial

Şairin itlərin hücumuna məruz qaldığı an – YENİLƏNİB

Ötən gün Novxanıda atdan yıxılaraq xəsarət alan nəğməkar-şair Cəlal Qurbanov reanimasiyadan palataya köçürülüb.

Bugun TV xəbər verir ki,  barədə “Qafqazinfo”ya şairin özü bildirib: “Hazırda palatadayam. Hər şey yaxşıdır. Çox güman, sabah evə buraxılacağam”.

O, hadisəni belə xatırlayıb: “Dünən sübh tezdən, saat 5 radələrində Sumqayıtda dəniz kənarında övladlarımla at çapmağa getmişdik. Birinci dəfə deyil ki, at çapırdıq. Bu səfər bizim əyləncəmizi görən itlər oyun üçün atların ardınca qaçıb bizə qoşuldular. Mənim atımın ayağı qumlu sahədə boşluğa düşüb büdrədi. O yıxıldı deyə, mən də yıxıldım. Sonrasını xatırlamıram”.

Qurbanov gözünü xəstəxanada açdığını bildirib: “Təbii, ilk olaraq qızımı və oğlumu soruşdum. Çünki onların hər ikisi həmin an mənim yanımda idilər. Yaxınlarımın dediyinə görə, mən yıxılandan sonra itlər heç kimə təhlükə yaratmayıblar. İt də, at da insanın dostudur, biz də ailə olaraq heyvansevərik”.

Şair atın vəziyyətinin yaxşı olduğunu açıqlayıb: “Amma bir uğursuzluq oldu və mən kifayət qədər ciddi xəsarət almışam. Yaxınlarım belə reanimasiyaya buraxılmırdı. Şükür ki, bu ağır mərhələni həkimlərin sayəsində qısa müddətdə geridə qoyduq”.

Qurbanov onu soruşan, yanında olmaq istəyən, xəstəxana həyətində gözləyən hər kəsə təşəkkür edib: “Və mənə dua edən hər kəsə minnətdaram və bütün mətbuata, jurnalist dostlarıma, xəbər səhifələrinə diqqətiniz üçün minnətdaram”.

08.51

Novxanı ərazisində itlərin hücumuna məruz qalan şair Cəlal Qurbanovun video görüntüləri yayılıb.

Xatırladaq ki, C.Qurbanov övladları ilə birgə at çaparkən 20-dən çox itin hücumuna məruz qalıb.

Şair hazırda xəstəxanaların birində reanimasiya şöbəsindədir. Həkimlər onun vəziyyətini ağır olaraq qiymətləndirir.

Oxşar xəbərlər

İki yaşlı körpə zəhərləndi

Könül Kərimova

Azərbaycan ictimaiyyətinə ağır itki üz verib

Aynur Camal

Mingəçevir sakini antisanitariya vəziyyətindən narazılıq edir.

Aynur Camal