Samsung-un Böyük Britaniya MX Məhsul və Marketinq üzrə vitse-prezidenti Annika Bizon izah etdi ki, S Pen şirkətin portfelinin çox vacib hissəsidir və gələcəkdə də belə qalacaq. Bu ilin əvvəlində Samsung-un S Pen-dən imtina edəcəyi ilə bağlı şayiələr texnologiya dünyasında rezonans doğurmuşdu.
Xüsusilə, Galaxy S25 Ultra-nın S Pen-dən Bluetooth xüsusiyyətlərinin çıxarılması bu iddiaları gücləndirdi.
Lakin Samsung öz açıqlamaları ilə bu narahatlığı aradan qaldırmağa çalışıb. Samsung-un Böyük Britaniya MX Məhsul və Marketinq üzrə vitse-prezidenti Annika Bizon, S Penin şirkət portfelində çox əhəmiyyətli bir yerə sahib olduğunu və bu aksesuarın Galaxy S Ultra seriyası üçün əvəzolunmaz olduğunu bildirdi.
Annika Bizon dedi: “Yaradıcılıq bizim əsas dəyərlərimizdən biridir. Əgər yaradıcısınızsa, siz rəsm çəkməyi və eskiz çəkməyi bacarmaq istəyirsiniz. Və Sketch to Image bizim süni intellekt xüsusiyyətlərimizdən biri olduğundan, S Pendən istifadə edərək gözəl eskizlər çəkə bilərsiniz. Onun kifayət qədər böyük dizayn üstünlüyü var” deyib.
Şirkət rəsmiləri Bluetooth funksiyalarından istifadə nisbətinin 2 faizdən aşağı olduğunu və buna görə də bu funksiyanı aradan qaldırdıqlarını açıqladılar.
Mənbə: EnSonHaber