Müharibə müxbiri Vladlen Tatarskinin ölümü ilə nəticələnən partlayışda şübhəli bilinən Darya Trepovanı saxlanılıb.
Bugun.tv xəbər verir ki, bu barədə İstintaq Komitəsinindən bildirilib.
Xatırladaq ki, dünən Sankt-Peterburqun mərkəzində Universitetskaya sahilindəki 1 nömrəli Streetfood-barda partlayış baş verib. Sözügedən ünvanda tədbir keçirən müharibə müxbiri Vladlen Tatarski hadisə yerində ölüb. 30-dan çox insan isə yaralanıb. Səhnənin yaxınlığında 200 qramdan çox trotil tutumu olan partlayıcı qurğu işə düşüb.
Hadisə yerində müstəntiqlər və polis əməkdaşalı hələ də araşdırma aparır.
Hüquq-mühafizə orqanları Trepovanın Sankt-Peterburqdakı mənzilində axtarış aparıblar. Onun anası və bacısı dindirilib. İlkin məlumatlara görə, Tatarskiyə partlayıcı ilə doldurulmuş heykəlcik verən Trepova olub. Daha sonra o, polis tərəfindən axtarışa verilib.
Mənbə:TASS