Bugun.tv xəbər verir ki, Aksarayda seldə itən 3 aylıq körpə Aselin cansız cəsədi tapılıb. Hadisənin baş verdiyi bölgədə AFAD, jandarma, polis, UMKE və könüllü qrupların birgə apardığı işlər bu gün də davam edib. Körpənin tapılması üçün 408 nəfərdən ibarət qrup işləyirdi. Axtarış-xilasetmə işlərinin 6-cı günündə qruplar körpəni dərə yatağının yanında selin apardığı ağac budaqlarının altında tapıblar. Körpənin cansız bədəninə çatan qruplar hadisə yerinə prokurorun gəlməsini gözləyir.
TRT Haberin məlumatına görə, Aksaray valisi Mehmet Ali Kumbuzoğlu, “Hamımıza başsağlığı verirəm. Ailəsinə başsağlığı verir, səbr diləyirəm. Körpə hadisə yerindən 3 kilometr aşağıda tapılıb. Dərənin suyu tamamilə palçıqla örtüldüyü üçün Asel körpəmizi qucaqlayırdı. Ona görə də tapmaq çətin idi” dedi.
Qeyd edək ki, sentyabrın 3-ü bazar günü axşam saatlarında Aksarayın Kireçlik bölgəsində baş verən seldə 1 nəfər ölüb, 14 nəfər xilas edilib. Sel nəticəsində anasının qollarından yıxılaraq yoxa çıxan 3 aylıq Asel Balcan üçün axtarış-xilasetmə işlərinə başlanılıb.
Müxbir: Şəms Elnurqızı