Bugun.tv xəbər verir ki, Misirin xarici işlər naziri Semih Şükri Ankaraya səfər edəcək.
Türkiyənin xarici işlər naziri Mövlud Çavuşoğlunun dəvəti ilə keçiriləcək görüşdə iki ölkə arasında normallaşma prosesinin hərtərəfli qiymətləndirilməsi gözlənilir.
Danışıqlardan sonra həmkarlar mətbuat konfransı keçirəcək.
İclasda 2013-cü ildən müvəqqəti işlər vəkili səviyyəsində olan diplomatik münasibətlərin səfirlər səviyyəsinə yüksəldilməsi istiqamətində atılacaq addım da müzakirə olunacaq.
Qeyd edək ki, Şükri sonuncu dəfə fevralın 27-də baş verən zəlzələdən sonra Misirdən humanitar yardım materiallarının çatdırılması mərasimi üçün Mersinə gəlib və Çavuşoğlu ilə görüşüb.
Xarici işlər naziri Mövlud Çavuşoğlu da 11 il sonra, martın 18-də xarici işlər nazirləri səviyyəsində Misirin paytaxtı Qahirəyə səfər edərək həmkarı Şükri ilə görüşüb.
Mənbə:NTV haber