Rusiyanın xarici işlər naziri Sergey Lavrov Türkiyəyə mayın 14-də keçiriləcək prezident və parlament seçkilərində uğurlar arzulayıb. O, seçkilərin ədalətli və şəffaf olacağına əminliyini ifadə edib.
Bugun.tv xəbər verir ki, bu barədə TASS məlumat yayıb.
Suriya, Türkiyə və İran xarici işlər nazirləri ilə Suriyada sülh prosesi ilə bağlı iclası açan Rusiyanın baş diplomatı “Türk həmkarlarıma uğurlu ümumi seçkilər arzulayıram” deyib.
“Mən əminəm ki, bu seçkilər ədalətli və şəffaf keçəcək. Türk millətinə heç bir kənar müdaxilə olmadan öz iradəsini ifadə etməyə imkan verəcək”,- baş diplomat söyləyib.