Rusiyanın xarici işlər naziri Sergey Lavrov qazaxıstanlı həmkarına Moskvanın Ukraynadakı vəziyyətə münasibəti barədə məlumat verib.
“Biz hadisələrin Rusiyaya strateji zərbə vurmaq üçün kollektiv Qərb tərəfindən hazırlanmış layihə kimi yenilənmiş baxışımızı bölüşdük”.
Bugun.tv xəbər verir ki, Lavrov bunu Qazaxıstanın baş nazirinin müavini Murat Nurtleu ilə danışıqlardan sonra keçirilən mətbuat konfransında deyib:
Onun sözlərinə görə, Rusiya artıq Vaşinqton, Brüssel, London və ya digər paytaxtlar tərəfindən aparılan qarşıdurma siyasəti arasında heç bir fərq görmür.
“Biz belə bir fikrə əsaslanırıq ki, qəbul edilə biləcək istənilən qərarlar Rusiyanın təhlükəsizlik sahəsində fundamental narahatlıqlarını nəzərə almalı və sözügedən ərazilərin sakinlərinin qanuni hüquqlarını təmin etməlidir”, – Lavrov vurğulayıb.
Mənbə: TASS