Minskdə işgüzar səfərdə olan Rusiyanın Müdafiə Naziri Sergey Şoyqu belaruslu həmkarı Viktor Xrenin ilə görüş keçirməyi planlaşdırır.
Bugun.tv xəbər verir ki, bu barədə Belarus Müdafiə Nazirliyinin Beynəlxalq Hərbi Əməkdaşlıq İdarəsinin rəisi polkovnik Valeri Revenko bildirib.
“Rusiyanın müdafiə naziri ordu generalı Sergey Şoyqu Minskə qısa işgüzar səfərə gəlib. Belarus prezidenti Aleksandr Lukaşenko ilə görüşdən əlavə, Belarusun müdafiə naziri general-leytenant Viktor Xreninlə danışıqlar da planlaşdırılır”, – Revenko özünün “Twitter” səhifəsində yazıb.
BELTA xəbər agentliyi Lukaşenko ilə Şoyqunun təhlükəsizlik məsələlərini müzakirə etdiyini, xüsusən də ölkəyə qarşı xarici təcavüz halında Rusiyanın Belarusu öz ərazisi kimi qoruyacağına zəmanət verdiyini bildirib.
Mənbə: TASS