Bugun.tv xəbər verir ki, Özbəkistanın paytaxtı Daşkənddə hava limanı yaxınlığındakı biznesin anbarında partlayış olub. Partlayış nəticəsində 1 nəfər ölüb, 163 nəfər yaralanıb. Gün açılanda partlayışın böyüklüyü bəlli oldu. Özbəkistan Fövqəladə Hallar Nazirliyi yanğınla əlaqədar hadisə yerinə 16 yanğınsöndürmə briqadasının göndərildiyini, yanğının yerli vaxtla saat 05.02-də nəzarətə götürüldüyünü və qrupların işinin davam etdiyini açıqlayıb. Açıqlamada yaralılardan 24-nün xəstəxanaya yerləşdirildiyi, digərlərinə isə hadisə yerində tibbi yardım göstərildiyi bildirilib. Beynəlxalq Daşkənd Hava Limanının mətbuat xidmətindən verilən açıqlamada partlayışın əməliyyatlara təsir etmədiyi bildirilib.
Müxbir: Şəms Elnurqızı