Bugun.tv xəbər verir ki, DİN-in Mətbuat Xidmətinin Bərdə regional qrupu məlumat verib. Bərdə RPŞ-nin əməkdaşlarının keçirdikləri tədbirlər nəticəsində qanunsuz silah-sursat əldə edib saxlamaqda şübhəli bilinən sakin, əvvəllər məhkum olunmuş Azər Hüseynov saxlanılıb. Onun yaşadığı ünvana baxış keçirilib.1 ədəd “Kalaşnikov AK-74” markalı avtomat. Həmin silaha məxsus daraq və 28 ədəd patron aşkar edilərək götürülüb.
Bundan əlavə polis əməkdaşlarının keçirdikləri əməliyyat tədbirləri ilə narkotik vasitələrin qanunsuz dövriyyəsində şübhəli bilinən rayon sakinləri Kamil Həsənov və Şamil Həsənov saxlanılıblar. K.Həsənovun üzərindən və evindən 2 kiloqram 350 qramdan artıq marixuana tapılıb. Ş.Həsənovun üzərindən isə külli miqdarda heroin aşkar edilərək götürülüb.
Faktlarla bağlı Bərdə RPŞ-də cinayət işləri başlanılıb. Araşdırmalar davam etdirilir.
Müxbir Qaytən Qasımzadə
