Belçikanın paytaxtı Brüsseldə silahlı hücum nəticəsində biri ağır olmaqla iki nəfərin yaralandığı bildirilir.
Belçikanın paytaxtı Brüsselin Anderlext, Saint-Gilles və Forest rayonlarına cavabdeh olan Cənub Regional Polisi dünən saat 02:30 radələrində tez-tez toqquşmaların baş verdiyi Anderlext rayonundakı Klemenso metro stansiyası yaxınlığında yeni insidentin baş verdiyini bildirib.
Açıqlamada silahlı qarşıdurmada biri ağır olmaqla iki nəfərin yaralandığı qeyd edilib.
Prokurorluğun hadisə ilə bağlı araşdırma başlatdığı bildirilsə də, şübhəlilərin tutulub-tutulmaması ilə bağlı məlumat paylaşılmayıb.
Mənbə: Ahaber