Bugun.tv xəbər verir ki, hadisə Nigeriyada yaşanıb. Bu barədə yerli mətbuatda məlumat yayılıb.
Bildirilir ki, heyvandarlıqla məşğul olan fulani üzvləri Nasarava əyalətinin Tattara Mada bölgəsində hücumlar həyata keçiriblər.
Basqın zamanı 12 nəfər həyatını itirib, çoxlu sayda insan yaralanıb.
Əyalətin qubernatoru Abdullahi Sule hücumu pisləyib. O, bölgəyə təhlükəsizlik qüvvələrinin göndərildiyini və hadisə ilə bağlı araşdırmalara başlanıldığını bildirib.
Qeyd edək ki, Nigeriyanın şimal və mərkəzi hissəsində fulanilər və bəzi əkinçilik tayfaları arasında tez-tez şiddətli toqquşmalar baş verir.
Mənbə: TRT haber