Müdafiə Nazirliyinə səfəri zamanı açıqlama verən Şimali Koreya lideri Kim Çen In ABŞ-ı dünyanın müxtəlif bölgələrində geosiyasi böhranlar törətməkdə ittiham edib və ölkəsinin nüvə silahı potensialını gücləndirməyə çağırıb.
Şimali Koreya lideri Kim Çen In ordunun yaradılmasının 77-ci ildönümünü qeyd etmək üçün Müdafiə Nazirliyinə səfər edib.
Burada açıqlama verən Kim ABŞ-ı dünyanın müxtəlif bölgələrində geosiyasi böhranlar törətməkdə ittiham edib.
Bu barədə Şimali Koreya Mərkəzi Xəbər Agentliyi (KCNA) məlumat yayıb.
Bölgədə lazımsız gərginliyin olmasını istəmədiklərini bildirən Kim, yeni müharibənin başlamasının qarşısını almaq və bölgədə təhlükəsizliyi təmin etmək üçün müxtəlif tədbirlər görəcəklərini bəyan edib.
Kim ABŞ-ın Koreya yarımadasında yerləşdirdiyi nüvə aktivlərinin bölgədə balanssızlığa səbəb olduğunu müdafiə edərək, ölkəsinin nüvə silahı potensialını gücləndirməyə çağırıb.
Şimali Koreya lideri Kim yanvarın 30-da nüvə silahı obyektinə baş çəkib və ölkənin təhlükəsizliyi, maraqları və inkişafı üçün nüvə silahı potensialının gücləndirilməsinin vacib olduğunu bildirmişdi.
Mənbə: Anadolu Agentliyi (AA)