Şimali Koreyanın atdığı uzaqmənzilli raket təxminən 1000 kilometr məsafəni qət edib.
Bugun.tv Cənubi Koreyanın Birləşmiş Qərargah Rəislərinə istinadən xəbər verir.
Raketin yerli vaxtla saat 7:10-da (Bakı vaxtı ilə 2:10) Pxenyanın Sunan rayonundan Yapon dənizinə doğru geniş bucaq altında buraxıldığı bildirilir.
Cənubi Koreyanın Milli Təhlükəsizlik Şurası bununla bağlı iclas etmək qərarına gəlib.
Tokionun məlumatına görə, bu, ballistik raket idi.
Cənubi Koreya prezidenti Yoon Suk Yeolun bu gün Tokioda Yaponiyanın baş naziri Fumio Kişida ilə danışıqlar aparacağı gözlənilir.
Mənbə: TASS