Şimali Koreyanın göndərdiyi zibil balonları Cənubi Koreyanın paytaxtı Seulda uçuşların qarşısını kəsib.
Həmçinin hava şarları damda yanğına səbəb olub.
Cənubi Koreya ilə Şimali Koreya arasında zibil balonu böhranı davam edir.
Cənubi Koreya rəsmiləri Şimali Koreyanın son 24 saat ərzində Cənubi Koreyaya təxminən 500 şar göndərdiyini və hava şarlarının paytaxt Seulda uçuşları əngəllədiyini bildirib. Koreya Hava Limanları Assosiasiyasından verilən açıqlamada dünən axşam saatlarında Seuldakı Gimpo hava limanında hava şarlarına görə təyyarələrin qalxıb enişində 2 saat gecikmə olduğu bildirilib. Bildirilib ki, ölkənin Gyeonggi əyalətində binanın damında hava şarları yanğına səbəb olub.
Eyni zamanda, son həftələr ölkənin mərkəzi olan İnçon hava limanında hava hərəkətinin tez-tez pozulduğu qeyd edilib.
Cənubi Koreya Baş Qərargahının sözçüsü Lee Sung-jun, bəzi zibil balonlarının yanğına səbəb ola biləcək vaxt təyin edilmiş partlayıcılarla təchiz edildiyini ifadə edərək, “Balonların üzərinə taymer qoyulur ki, bu da balonların müəyyən bir müddətdən sonra partlamasına və ətrafa yayılmasına səbəb olur».
Sung-jun qeyd edib ki, əksəriyyəti kağız və plastik zibildən ibarət 480 şar bu gün Cənubi Koreyaya gəlib.
Şimali Koreyanın dünən göndərdiyi zibil balonlarından bəziləri Seuldakı Prezident Ofisinə düşüb.
Mənbə: Haber Global