Şimali Makedoniya hökuməti Türkiyədə və Suriyada baş verən zəlzələlərlə əlaqədar fevralın 13-də ölkədə matəm günü elan edib.
Bu qərarı Şimali Makedoniyanın baş naziri Dimitar Kovaçevski sosial şəbəkədəki hesabında açıqlayıb.
“Şimali Makedoniya vətəndaşlarının zəlzələ nəticəsində həlak olanların yaxınları və ailələrinə başsağlığı verir, onlara dualar edir “, – Kovaçevski bildirib.
Baş nazir təbii fəlakət nəticəsində yaxınlarını itirənlərə başsağlığı verib: “Biz dövlət və millət olaraq zəlzələdən zərər çəkmiş və hər şeyini itirmiş insanlara yardım və dəstəyimizi davam etdirəcəyik”.
Qeyd edək ki, hökumətin bəyanatında vurğulanıb ki, ölkədə və Şimali Makedoniyanın xaricdəki diplomatik nümayəndəliklərində bayraqlar yarıya endirilib. Mənbə: Haber Global